بین الاقوامی عدالت نے یادو کے معاملے میں بدھ کو فیصلہ سناتے ہوئے اس کی پھانسی کی سزا پر روک لگادی۔ عالمی عدالت نے پاکستان سے اس کا جائزہ لینے اور نظر ثانی کرنے کے لئے کہا ہے۔
ساتھ ہی عدالت نے جادھو کی محفوظ رہائی کی بھارت کی اپیل کو بھی مسترد کردیا ہے۔
عدالت کے فیصلے کے بعد محترمہ سوراج نے کئی ٹوئٹ کرتے ہوئے لکھا”کلبھوشن جادھو کے معاملے میں بین الاقوامی عدالت کے فیصلے کا میں تہہ دل سے خیر مقدم کرتی ہوں۔ یہ بھارت کی بڑی فتح ہے۔“
سابق وزیر خارجہ نے لکھا ”میں وزیر اعظم نریندر مودی کو جادھو کے معاملے میں بین الاقوامی عدالت میں اپنی پہل کے لئے شکریہ ادا کرتی ہوں۔ مجھے امید ہے کہ اس فیصلے سے جادھو کے خاندان کے اراکین کو کافی راحت ملے گی۔ میں ہریش سالوے کو آئی سی جے کے سامنے بھارت کی طرف سے موثر اور کامیابی کے ساتھ معاملے کو پیش کرنے کے لئے مبارک باد دیتی ہوں۔“
