ضلع یادگیر مسلسل بارش اور دریائے کرشنا میں طغیانی کے سبب کئی مشکلات کا سامنا کررہا ہے اور صورتحال انتہائی ابتر نظر آ رہی ہے۔
ادھر محکمہ آفات سماوی نے بچاؤ اور راحت رسانی کے کاموں کو انجام دینے والی ٹیموں کو تعینات کر دیا ہے اور این ڈی آر ایف نیشنل ڈیزاسٹرمنیجمنٹ فورس کے جوان 24 گھنٹے تیار ہیں۔
این ڈی آر ایف کے جوانوں نے ایک بچاؤ آپریشن میں سیلاب سے متاثر ایک چرواہے کو بچانے میں کامیابی حاصل کی۔
یادگیر کے ہنسگی تعلقہ کے آئی بی ٹانڈا کے قریب واقع ایک جزیرہ نما مقام پر گہرے پانی میں محصور چرواہے کو این ڈی آر اف کے جوانوں نے طویل بچاؤ آپریشن میں کافی مشکلات کا سامنا کرنے کے بعد محفوظ مقام پر منتقل کر دیا ہے۔
یہ چرواہا سیلاب سے بچنے کے لئے ایک چھوٹی سی پہاڑی پر چڑھ گیا تھا۔
این ڈی آر ایف کے جوانوں نے چار کتوں اور چرواہے کے ساتھ ساتھ کم از کم دو سو پچاس بکریوں کو بھی بچانے میں کامیابی حاصل کی۔
