وزیراعظم مودی نے یہ اعلان کولکاتا کے پورٹ ٹرسٹ کے 150 ویں برس مکمل ہونے پر نیتا جی اندرو اسٹیڈیم میں منعقد تقریب سے خطاب کرتے ہوئے کیا۔
مودی نے تقریب میں کہا کہ 'یہ ملک کی بدقسمتی ہے کہ ڈاکٹر شیاما پرساد مکھرجی اور بابا صاحب امبیڈکر نے حکومت سے استعفی دینے کے بعد ان کی تجاویز صحیح طریقے سے نافذ نہیں ہوئے جیسا کہ انہیں ہونا چاہیے تھا۔'
انہوں نے مزید کہا کہ 'شیاما پرساد مکھرجی ہمیشہ ہمارے دلوں میں زندہ رہیں گے جنہوں نے ایک ملک اور ایک آئین جیسے نظریے کے لیے سب سے آگے کھڑے تھے۔'
وزیراعظم مودی نے کہا کہ 'ملک کے ساحلی راستے ترقی کی نئی منزلیں طئے کریں گی۔ ہماری حکومت نے دوسرے ممالک سے رابطے کو بہتر بنانے کے لئے ساگرمالا پروگرام کی شروعات کی ہے۔'
انہوں نے مزید کہا کہ 'آبی راستے کی ترقی نے مشرقی ہندوستان میں صنعتی مراکز کے ساتھ کولکاتا پورٹ ٹرسٹ کے رابطے کو بہتر بنایا ہے جس نے ہمارے پڑوسی ممالک کے لئے تجارت کو آسان بنایا ہے لیکن ریاستی حکومت پورٹ ٹرسٹ کا نام بدلنے کی مخالفت کر رہی ہے۔
واضح رہے کہ گزشتہ روز سے کولکاتا میں زور و شور سے شہری ترمیمی قانون کے خلاف احتجاجی مظاہرہ کے باوجود سنیچر کے روز کولکاتا کے راج بھون میں وزیراعظم نریندر مودی نے مغربی بنگال کے وزیراعلی ممتا بنرجی سے ملاقات کی۔
