ہم سب کی زندگی میں بجٹ کی اہمیت اس لیے ہے کہ اس کا براہ راست تعلق ہماری آمدن، ملک کی معیشت اور اخراجات سے ہے۔ حکومتیں اسے ہر برس پیش کر کے اپنے ترقیاتی پروگرام کا عہد کرتی ہیں۔ یعنی سب کچھ بجٹ پر ہی منحصر ہے۔
تو آخر یہ لفظ 'بجٹ' کہاں سے آیا اور اس کی تاریخ کیا ہے؟
لفظ بجٹ کا اصل ماخذ فرینچ لفظ 'بئگٹ' ہے، جس کے معنی چمڑے کے بیگ کے ہیں۔
سنہ 1860 میں برطانوی شاہی حکومت کے وزیر مالیات ولیم ایوارٹ گلیڈ سٹوٗن حکومتی اخراجات سے متعلق رپورٹ پیش کرنے کے لیے اپنے ساتھ ایک لال بیگ لے کر آئے تھے۔ اسی بیگ کو پہلی بار لال بیک یا پھربجٹ باکس کا نام دیا گیا۔
پہلا لال رنگ کا سوٹ کیس جو ولیم ایوارٹ گلیڈ سٹوٗن اپنے ساتھ لائے تھے حقیقت میں اس سوٹ کیس میں مالی امور سے متعلق بہت سارے دستاویزات تھے لیکن اس کی ابتدا یہیں سے ہوتی ہے۔
روایتی طورپر آج بھی وزیر خزانہ پارلیمان میں بجٹ پیش کرنے کے لیے اپنے ہاتھ میں ایک سوٹ کیس لیکر حاضر ہوتا ہے۔
تاریخی اعتبار سے سب سے پہلا بجٹ برطانوی وزیر خزانہ جیمزولسن نے پیش کیا تھا۔ یہ پہلا بجٹ شام کے پانچ بجے پیش کیا گیا تھا۔
ہندوستان میں سب سے پہلا بجٹ لیاقت علی خان نے پیش کیا تھا جو آزادی سے قبل ایک عارضی بجٹ تھا، اس کی مدت 9 اکتوبر 1946 سے 14 اگست 1947 تک تھی۔
بھارت کی آزادی کے بعد پہلا عارضی بجٹ آر کے شنموکھم چیٹی کی طرف سے 26 نومبر 1997 میں پیش کیا گیا۔
دلچسب بات ہے کے دستور ہند میں لفظ بجٹ کا استعمال نہیں کیا گیا ہے اس کی جگہ بھارتی آئین میں دفعہ 112 کے تحت 'اینول فائنانشیئل سٹیٹمینٹ' یعنی سالانہ مالی اخراجات کا نام دیا گيا ہے۔
اس کے بعد شان موٗکھم جان متھائی ہندوستان کے دوسرے وزیر خزانہ بنے ۔ اس دوران انھوں نے سنہ 1949-1950 کا بجٹ پیش کیا، جس میں انھوں نے پلاننگ کمیشن اور اپنے پانچ سال کے پلان کے بارے میں تفصیلی فسیلن بات چیت کی۔
سی ڈی دیش مکھ نے منتخبہ حکومت کا پہلا بجٹ پیش کیا تھا۔
جواہر لال نہرو بھارت کے پہلے وزیر اعظم تھے، جنھوں نے 1958 میں بجٹ پیش کیا تھا۔
سنہ 1955 اور 56 کے دوران بجٹ کو ہندی زبان میں لکھا جاتا تھا۔
سنہ 1964 اور 1968 میں مرارجی دیسائی نے اپنی سالگرہ کے دن عام بجٹ پیش کیا تھا۔ وہ اپنی یوم پیدائش پر ایسا کرنے واولے پہلے وزیر اعظم تھے۔
اندرا گاندھی بھارت کی پہلی خاتون وزیر اعظم تھیں جنہوں نے 1970 میں عام بجٹ پیش کیا تھا۔
سنہ 2001 میں این ڈی اے سرکار کی طرف سے پہلی بار صبح 11 بجے عام بجٹ پیش کیا گیا تھا۔ یہ بجٹ اس وقت کے وزیر خزانہ یشونت سنھا نے پیش کیا تھا۔
سنہ 2016 میں مودی حکومت کی طرف سے بجٹ میں ایک بڑی تبدیلی لائی گئی، جس میں بجٹ پیش کرنے کی تاریخ کو 28 فروری سے تبدیل کر کے 1 فروری کر دی گیا، تاکہ نئے تجارتی سال کی ابتدا یکم اپریل سے ہوسکے اور اس میں تاخیر نہ ہو۔
