کیرالہ کی نرس کورونا سے لڑنے میں سب سے آگے

ملک بھر میں کورونا وائرس کے خطرے سے نمٹنے کے لیے ڈاکٹرز اور نرسز لڑائی لڑ رہے ہیں۔ ایک تحقیق کے مطابق کیرالہ کی نرس کورونا وائرس کے خلاف لڑا‏ئی میں اہم رول ادا کر رہی ہیں۔

ڈبلیو ایچ او کی ایک خاص رپورٹ کے مطابق 'دنیا بھر میں جو نرسز کام کر رہی ہیں، ان میں سے زیادہ تر کی تعداد بھارت کے کیرالہ ریاست سے۔ کیرالہ میں جتنی بھی نرسز نے گریجوایشن کیا ہے۔ ان میں سے 30 امریکہ، 15 فیصد برطانیہ، 15 فیصد آسٹریلیا اور 12 فیصد مشرقی وسطی میں کام کر رہی ہیں۔

برطانوی پارلیمنٹ کے رکن انا سبروئے نے برطانیہ میں اپنی خدمات کو انجام دینے والی کیرالہ کی نرسز کی تعریف کی ہے۔ سوشل میڈیا پر وائرل ایک ویڈیو میں انا سبروئے نے کہا کہ 'کیرالہ کی جو نرسز یہاں کام کر رہی ہیں ہمیں ان سے کوئی پریشانی نہیں ہے۔'

انہوں نے مزید کہا کہ 'بھارت کی نرس خاص کر جن کا تعلق کیرالہ سے ہے وہ خوشی سے انسانیت کی مدد کرنے آتی ہیں۔ ہم ان سے بہت کچھ سیکھتے ہیں۔'

رپورٹ میں بتایا گیا کہ یہ نرس ان لوگوں میں سے ہیں جو ہنگامی حالت میں پورے عالم میں کورونا وائرس سے لڑائی میں مدد کرہی ہیں۔ رپورٹ میں کہا گیا کہ وہ نہ صرف یونائٹیڈ کنگڈم کی ہنگامی ٹیم کی مدد کر رہی ہیں بلکہ اپنی زندگی کو خطرے میں ڈال کر لوگوں کی مدد کر رہی ہیں۔