کیرالہ: محکمہ صحت نے 'کرونو وائرس' کے سلسلے میں الرٹ جاری کیا

کیرالہ کے محکمہ صحت کی جانب سے چینی شہر ووہان سے شروع ہوئے مہلک کرونووائرس انفیکشن کے سلسلے میں ریاست میں الرٹ جاری کیا گیا ہے۔

وزیر صحت کے کے شیلجا نے بتایا کہ چین میں اب تک اس سنگین وائرس کی زد میں آکر نو لوگوں کی موت ہوچکی ہے اور 440 سے زیادہ افراد کے اس انفیکشن سے متاثر ہوئے ہیں اسی کے مد نظر یہاں الرٹ جاری کیا گیا ہے۔

انہوں نے بتایا کہ ریاست میں بیرون ممالک سے آنے والے سبھی مسافروں کی طبی جانچ کیے جانے کے واضح ہدایت دیے گئے ہیں۔

کے کے شیلجا نے کہا کہ جو لوگ چین سے آئے ہیں انہیں مناسب طبی جانچ کے لیے ضلع میڈیکل افسر سے رابطہ قائم کرنے کو کہا گیا ہے تاکہ ریاست میں اس وائرس کو پھیلنے سے روکا جاسکے۔