ہلاک ہونے والے ڈاکٹر کے اہل خانہ کو ایک کروڑ کا معاوضہ

گزشتہ روز ایل این جے پی کے سینیئر ڈاکٹر کی کورونا سے موت ہو گئی تھی، وہ کورونا مریض کا علاج کرنے کے دوران اس وبا سے متاثر ہوئے گئے تھے۔

دہلی کے وزیر اعلی اروند کیجریوال نے ایل این جے پی کے ہلاک ہونے والے سینیئر ڈاکٹر کے اہل خانہ کو ایک کوڑ روپے معاوضے دینے کا اعلان کیا ہے، ہلاک ہونے والے ڈاکٹر کورونا کے مریض کے علاج کے دوران اس وبا سے متاثر ہوئے تھے۔

دہلی کے لوک نائک جئے پرکاش اسپتال (ایل این جے پی) کے ایک ڈاکٹر کی موت ہوگئی تھی۔ ڈاکٹر اسیم گپتا کی اتوار کو دہلی کے نجی اسپتال کے آئی سی یو میں ہلاکت ہو گئی تھی وہ کورونا مریض کے علاج کے دوران کورونا سے متاثر ہوگئے تھے۔

بتایا جا رہا ہے کہ ان کی اہلیہ بھی کورونا سے متاثر ہو گئی تھیں، لیکن وہ صحتیاب ہو چکی ہیں، اس کے علاوہ ان کے دو بیٹے گزشتہ دو ہفتوں سے زیر علاج ہیں اور کچھ دن قبل وہ وینٹی لیٹر پر تھے۔

دہلی حکومت نے ایل این جے پی اسپتال کو صرف کورونا وائرس مریضوں کے علاج کے لیے مختص کیا ہے، یہاں اب تک 2700 کورونا کے مریض صحتیاب ہو چکے ہیں۔