کانگڑی سے بجلی پیدا کرنے والا کشمیری نوجوان

اونتی پورہ کے چرسو گاؤں کے رہنے والے سہیل اور ان کے دوستوں نے اپنی تخلیقی صلاحیت کا لوہا منوایا ہے۔ انہوں نے نہ صرف بوٹ سے چارج ہونے والا چارجر بنایا، بلکہ کشمیر میں روایتی کانگڑی کی گرمی سے بجلی کا بلب بھی روشن کیا ہے۔

یوں تو وادی کشمیر سے تعلق رکھنے والے نوجوانوں میں تخلیقی صلاحیتوں کی کمی نہیں ہے، اونتی پورہ کے چرسو گاؤں کے رہنے والے سہیل احمد نے اپنی تخلیقی صلاحیت کے بل بوتے ایسا کارنامہ انجام دیا ہے جسے دیکھ لوگ حیران و شسدر ہیں۔

سہیل احمد پرے نے اپنے دو دوستوں کے تعاون سے نہ صرف بوٹ سے چارج ہونے والا چارجر بنایا ہے بلکہ کشمیر میں روایتی کانگڑی کی گرمی سے بجلی کا بلب روشن کیا ہے جو نہ صرف ایک نیا کارنامہ ہے بلکہ اس کی وجہ سے موسم سرما کے دوران بجلی کی کمی کا مسئلہ بھی کسی حد تک حل ہو سکے گا۔

ای ٹی وی بھارت سے خصوصی گفتگو میں سہیل احمد پرے نے بتایا کہ' وہ بچپن سے تخلیقی ذہنیت کا حامل رہا ہے، اور وہ ایک بڑے پروجیکٹ پر پچھلے کئی برسوں سے کام کر رہا ہے، جسے پنبجلی کا متبادل قرار دیا جا سکتا ہے۔

سہیل نے مزید بتایا کہ' انہوں نے اپنے دو دوستوں کے ساتھ مل کر جوتے سے چارج ہونے والا ایک چارجر بنایا ہے مزید اس تعلق سے سہیل اور ان کے دوست پر امید ہیں کہ' ان کے اس ایجاد سے یقینا عوام کو بے حد فائدہ پہنچے گا'۔