کرناٹک وقف بورڈ ایک الگ نئی تعلیمی پالیسی بنائے گا

حکومت ہند کی جانب سے مقرر کردہ متعدد کمیشن کی رپورٹز نے یہ عیاں کردیا ہے کہ ملک میں مسلم طبقہ نہایت ہی افسوسناک صورتحال میں ہے۔

تعلیم کے میدان میں مسلم طبقہ کی پسماندگی کسی سے پوشیدہ نہیں ہے، کرناٹک میں مسلمانوں کی پسماندگی کو دور کس طرح دور کیا جاسکے اس تعلق سے کرناٹک وقف بورڈ نے ایک بڑا فیصلہ لیا ہے کہ وہ اب اپنی ایک نئی تعلیمی پالیسی بنائے گا۔

اس ضمن میں راجیہ سبھا کے رکن ناصر حسین نے بتایا کہ مسلمانوں میں جو و تعلیمی پسماندگی ہے اسے دور کرنے اور ملت کے بچوں کو سماج میں آگے لانے کے لئے وقف بورڈ نے ایک نئی تعلیمی پالیسی لانے کا فیصلہ کیا ہے۔

ڈاکٹر ناصر حسین نے بتایا کہ وہ ریاست بھر کے بڑے اوقافی اداروں سے اس سلسلے میں امداد حاصل کریں گے اور اس پالیسی کو موثر طور پر نافذ کریں گے کہ مسلم سماج کی تعلیمی بدحالی کو دور کیا جاسکے۔

راجیہ سبھا رکن نے مزید کہا کہ وقف بورڈ میں "وقف ایجوکیشن فنڈ" کا بھی اہتمام کیا گیا ہے جس میں اب فنڈ کی فراہمی بھی ہونے لگی ہے۔