'کرناٹک میں کورونا ٹیسٹنگ میں اضافہ کیا جائے گا'

کورونا انفیکشن کے بڑھتے ہوئے معاملات کے بعد طبی تعلیم کے وزیر کے سدھاکر نے کہا ہے کہ 'کرناٹک حکومت نے فیصلہ کیا ہے کہ کمزور افراد کی جانچ کی جائے گی'۔

اَن لاک وَن کے تحت فراہم کی جانے والی متعدد چھوٹ کی وجہ سے کورونا وائرس کے مثبت واقعات کی تعداد میں اضافہ ہوا ہے۔ اسی تناظر میں کرناٹک کے وزیر برائے طبی تعلیم کے سدھاکر نے بتایا کہ 'ریاستی حکومت نے کووڈ ٹیسٹ میں تیزی لانے کا فیصلہ کیا ہے'۔

انہوں نے کہا کہ 'گزشتہ دو ہفتوں میں کیسز میں اضافے کی وجہ سے حکومت روزانہ 15،000 سے 25،000 نمونوں کی ٹیسٹنگ کی کوشش کر رہی ہے'۔

کے سدھاکر نے بتایا کہ 'پرہجوم علاقوں، پوراکرمیکا (شہری کارکن) گلی فروشوں، صحت سے متعلق کارکنوں، پولیس اور دوسرے تمام افراد کے جو پہلے محاذ میں ہیں، ان کا وسیع پیمانے پر ٹیسٹ کیا جائے گا'۔

انہوں نے کہا کہ انفلوئنزا جیسی بیماری (آئی ایل آئی) اور شدید ایکیوٹ ریسسری انفیکشن (ساری) کی علامتیں رکھنے والے تمام افراد کا لازمی طور پر ٹیسٹ کرنے کا بھی فیصلہ کیا گیا ہے'۔

انہوں نے مزید کہا کہ 'پرانے کنٹینمینٹ والے علاقوں میں بھی ان لوگوں کی جانچ کی جائے گی تاکہ یہ معلوم کیا جاسکے کہ وائرس وہاں موجود ہے۔ اس سے یہ بھی معلوم کیا جائے گا کہ کمیونٹی سے انفیکشن پھیل رہا ہے یا نہیں'

اطلاعات کے مطابق ریاست میں 71 لیباریٹریز ہیں جن میں 41 سرکاری اور 30 ​​نجی ہیں۔