علاؤالدین کا گنیز بک آف ورلڈ ریکارڈ میں نام درج

کھانا اور دیگر چیزوں کے بغیر انسان بمشکل 12 گھنٹے تک رہ سکتا ہے لیکن کانپور کے بی ایم ایل ٹی کے طالب علم علاؤالدين نے مسلسل 27 گھنٹے تک بآواز پڑھنے کا ریکارڈ بنایا ہے۔

علاؤالدین نے 'لانگیسٹ میراتھن ریڈنگ اے لاؤڈ' پروگرام کے تحت مسلسل 27 گھنٹے تک پڑھ کر گنیز بک آف ورلڈ ریکارڈ اور گولڈن بک آف ریکارڈ اپنے نام کر لیا۔

جونپور کے بدلاپور علاقے سے تعلق رکھنے والے علاؤالدین کانپور یونیورسٹی میں بی ایم ایل ٹی کی پڑھائی کر رہے ہیں، علاؤالدین نے 27 گھنٹے مسلسل بغیر کچھ کھائے ایک نشست میں 'لانگیسٹ میراتھن ریڈنگ' میں گولڈن بک آف ورلڈ ریکارڈ اور گنیز بک آف ورلڈ ریکارڈ میں اپنا نام درج کرایا ہے۔

اس دوران علاؤالدین نے ایک لمحہ بھی آرام نہیں کیا بلکہ مسلسل پڑھائی کی جو کہ حیران کن ہے۔

علاؤالدین نے ریکارڈ اپنے نام کر کے کانپور کے ساتھ پورے ملک کا نام روشن کیا۔

کانپور کے سینکڑوں طلبا علاؤالدین کے اس ریکارڈ کے گواہ ہیں جنہوں نے علاؤالدین کو مسلسل پڑھتے ہوئے دیکھا۔

علاؤالدین نے کہا کہ انہیں بچپن سے ہی پڑھائی کرنے کا شوق تھا اور اسی جذبہ کی وجہ سے ہی کچھ مختلف کرنے کا ارادہ کیا اور اپنے خاندان اور ملک کا نام روشن کیا۔

علاؤالدین نے اس ریکارڈ کو بنانے کے لیے چار دن مسلسل پڑھنے کی پریکٹس علاؤالدین نے بتایا کہ اس سے قبل مسلسل پڑھنے کا یہ ریکارڈ لکھیم پور، کھیری کے ایک طالب علم کے پاس تھا۔