جنسی زیادتی کے مجرم کو عمرقید

ریاست اترپردیش میں کانپور سول کورٹ نے جنسی زیادتی کے مجرم کو عمر قید کی سزا محض تیئیس روز کے اندر سنائی ہے۔

کانپور کے بٹھور تھانہ کی رہنے والی تین برس کی ایک معصوم بچی کے ساتھ جنسی زیادتی کا معاملہ پیش آیا تھا۔

کانپور کا یہ ایک ایسا معاملہ ہے جس میں نہ صرف پولیس نے تیزی دکھائی ہے بلکہ عدالت نے بھی روزانہ سماعت کرتے ہوئے محض 23 دنوں کے اندر فیصلہ سنایا۔

گزشتہ 27 جولائی کو تین برس کی ایک معصوم بچی کے ساتھ بدھنو علاقہ کے رہنے والے ایک شخص نے جنسی زیادتی کی تھی۔

جس میں پولیس نے تیزی دکھاتے ہوئے ملزم کو گرفتار کر لیا تھا۔ اس معاملے میں تفتیش کر رہے پولیس افسر اجے کمار نے 17 ستمبر 2019 کو فرد جرم داخل کیا۔

اس کی سماعت 19 ستمبر 2019 کو پاسکو کورٹ میں شروع کی گئی۔

سی او اجے کمار نے ڈی این اے رپورٹ بھی کرائی تھی جو کی پازیٹیو آگئی۔

اے ڈی جے جے کورٹ( پاسکو ایکٹ ) میں جج نے عمر قید کی سزا سناتے ہوئے ایک لاکھ روپیہ کا جرمانہ بھی عاید کیا ہے۔