کلیم فریدی کو گوری لنکیش ایوارڈ

کرناٹک جرنلسٹ یونین شاخ رائچور کی جانب سے ایوارڈز کی تقسیم پروگرام کا انعقاد عمل میں آیا۔ اس موقع پر ضلع رائچور کے تعلقہ دیودرگ میں کرناٹک جرنلسٹ یونین ضلع رائچور کی جانب سے یوم صحافت بھی منایا گیا۔

اس موقع پر مختلف زبانوں سے تعلق رکھنے والے صحافیوں کو گوری لنکیش ایوارڈ سے سرفراز کیا گیا جس میں اردو زبان سے تعلق رکھنے والے روزنامہ کے بی این ٹائمز کے شورا پور تعلقہ کے نامہ نگار کلیم فریدی بھی شامل ہیں۔

پروگرام میں شریک شرکا

کلیم فریدی نے کرناٹک جرنلسٹ یونین جرنلسٹ ایسوسی ایشن شاخ رائچور کے تمام ذمہ داران کا شکریہ ادا کرتے ہوئے کہا کہ 'میں تہہ دل سے شکریہ ادا کرتا ہوں ہو کہ انہوں نے دیگر زبانوں کے ساتھ ساتھ اردو زبان کے صحافیوں کو بھی ایوارڈ سے نوازا ہے'۔

انہوں نے کہا کہ 'صحافت غیر جانب دار ہوتی ہے اور صحافی کو بھی غیر جانبدار ہونا چاہیے۔ سچائی کو سامنے لانا صحافی کا اولین فرض ہوتا ہے مگر موجودہ دور میں سچ بولنا، سچ لکھنا اور سچ کو بتانا مشکل ہوتا جا رہا ہے'۔

کلیم فریدی نے مزید کہا ہے کہ 'صحافی کا سب سے بڑا ہتھیار اس کی آزادی ہوتی ہے'۔

اس موقع پر دیگر زبانوں کے صحافیوں کو بھی ایوارڈز سے سرفراز کیا گیا۔