کشمیر: چار او جی ڈبلیو گرفتار

شمالی کشمیر کے ضلع بارہمولہ کے سوپور علاقے میں پولیس نےعسکریت پسندوں کے چار مددگاروں کو گرفتار کیا ہے۔

پولیس اہلکار کے مطابق سوپور کے رفیع آباد چٹلورہ علاقے میں ناکے کے دوران چار بالائی زمین کارکنان (او جی ڈبلیو) کو گرفتار کیا گیا ہے۔ گرفتار شدہ او جی ڈبلیو کی شناخت رمیز احمد ملا، ریاض خالد پرے، وسیم منظور غازی اور اخلاق امتیاز شیخ کے طور پر ہوئی ہے۔

انہوں نےکہا کہ ان کے قبضے سے غیرقانونی مواد برآمد کیا گیا۔ چاروں کے خلاف ایف آئی درج کرلیا گیا اور مزید تحقیقات جاری ہے۔