ضلع کے مہارانی لکشمی بائی میڈیکل کالج کے ملازمین نے ہڑتال کردی ہے جس کی وجہ سے مریضوں کو کافی تکلیف کا سامنا کرنا پڑرہا ہے۔
مہارانی لکشمی بائی میڈیکل کالج کے ملازمین کا کہنا ہے کہ انھیں گزشتہ سات ماہ سے تنخواہ نہیں ادا کی گئی ہے اسی وجہ سے میڈیکل کالج کے تقریباً تمام ملازمین نے متفقہ طور پر ہڑتال کا فیصلہ ہے اور ساتھ ہی تمام کاموں کے بائیکاٹ کا بھی اعلان کیا ہے۔
ملازمین کا کہنا ہے کہ تنخواہ کی عدم ادائیگی کے سبب ان کا گھر مالی مشکلات سے دوچار ہے۔ جبکہ ضلع میں کورونا وائرس کی وجہ سے لاک ڈاؤن کا نفاذ ہے۔
اس تعلق سے میڈیکل کالج کی انتظامیہ کا کہنا ہے کہ یہ مسئلہ بجٹ کی کمی کی وجہ سے درپیش آرہا ہے جسے جلد از جلد حل کرنے کی کوشش کی جارہی ہے۔
واضح رہے کہ ضلع جھانسی اور آس پاس کے متعدد اضلاع میں صرف مہارانی لکشمی بائی میڈیکل کالج میں ہی کورونا وائرس کے علاج کی سہولت مہیا کرائی گئی ہے اور اس موقع پر ملازمین کی جانب سے ہڑتال کا فیصلہ انتہائی تشویشناک ہے۔