پولیس کے مطابق یہ لوگ صبح کے وقت جیسلمیر ضلع کے رام دیورا سے دیش نوک کی جانب آرہے تھے کہ علاقے میں پلّانا گاؤں کے نزیک ان کی بولیرو جیپ سامنے سے آرہی مسافر بس سے ٹکرا گئی۔ حادثہ اتنا شدید تھا کہ جیپ ڈرائیور سمیت چھ لوگوں کی موقع پر ہی موت ہوگئی جبکہ ایک شخص نے اسپتال پہنچتےہی دم توڑ دیا۔
حادثے میں زخمیوں میں سے پانچ لوگوں کو بیکانیر کے پی بی ایم اسپتال میں داخل کرایا گیا ہے جہاں دو کی حالت نازک بتائی جارہی ہے۔ حادثے کے بعد ضلع کلکٹر کمار پال گوتم بھی پی بی ایم اسپتال پہنچے اور زخمیوں کی عیادت کی۔ ڈرائیور سیکر ضلع کا رہنے والا تھا جبکہ جیپ میں سوار سبھی لوگوں کا تعلق کھٹاو تان گاؤں سے تھا۔
وزیراعلی اشوک گہلوت نے حادثے پر رنج کا اظہار کیا ہے ۔ مسٹر گہلوت نے سوشل میڈیا کے ذریعے واقعہ پر رنج کا اظہار کرتے ہوئے مہلوکین کے تئیں اپنی اتعزیت کا اظہار کیا۔ انہوں نے زخمیوں کی جلد صحیابی اورمہلوکین کے اہل خانہ کو یہ غم برداشت کرنے کی خدا سے دعا کی۔
