سیمانچل میں جے ڈی آر کو کامیابی کا یقین

ریاست بہار کا مسلم اکثریتی خطہ سیمانچل کی 24 اسمبلی نشستوں پر تمام سیاسی جماعتوں کی نگاہ ہے۔

تاہم سیاسی مبصرین کے مطابق اے آئی ایم آئی ایم نے ان سیاسی جماعتوں کی مشکل بڑھا دی ہیں۔

جنتا دل راشٹروَادی (جے ڈی آڑ) نے بھی سیمانچل میں کامیابی کا دعویٰ کیا ہے۔

ریاست میں اسمبلی انتخاب کی تیاریاں عروج پر ہیں، تمام سیاسی جماعتوں نے تیاریاں شروع کردی ہیں۔

سابق مرکزی وزیر مالیات یشونت سنہا کی قیادت میں بنی متحدہ ڈیموکریٹک الائنس کی اتحادی جماعت جے ڈی آر کے قومی کنوینر اشفاق رحمن نے سیمانچل میں کامیابی کا دعویٰ کیا ہے۔

جے ڈی آر نے بھی سیمانچل میں کامیابی کا دعویٰ کرتے ہوئے اے ایم آئی ایم کو انتشار پھیلانے والی پارٹی قرار دیا ہے۔

اشفاق رحمن نے کہا ہے کہ آئندہ اسمبلی انتخاب میں ان کے الائنس تعاون سے حکومت قائم ہوگی۔

اشفاق رحمن نے ای ٹی وی بھارت سے خصوصی ملاقات میں کہا مسلمان ان کی پارٹی کو پسند کر رہے ہیں، انہیں ریاست میں مسلمانوں سمیت تمام طبقات کی حمایت حاصل ہے۔