رواں برس ہونے والے اس صد سالہ کنووکیشن کی تقریب میں مہمان کے خصوصی کے طور پر صدر رام ناتھ کووند کو مدعو کیا گیا ہے۔
صدر کے علاوہ مرکزی وزیر رمیش پوکھریال نشنک، منی پور کی گورنر نجمہ ہبتہ اللہ اور جامعہ ملیہ اسلامیہ کی چانسلر ڈاکٹر نجمہ اختر بھی اس کنووکیشن میں شرکت کریں گے۔
اس کنووکیشن میں تقریبا 360 طلباء کو طلائی تمغوں سے نوازا جائے گا، ساتھ ہی سنہ 2017 - 18 کے 5000 فارغین کو بھی اسناد تقسیم کی جائے گی۔
جامعہ ملیہ اسلامیہ میں صد سالہ کنووکیشن صد سالہ جشن کا آغاز پرچم کشائی کے ساتھ شروع ہو گیا ہے، اور کنووکیشن اسی جشن کا ایک حصہ ہے۔
اس موقع پر جامعہ ملیہ اسلامیہ کی وائس چانسلر نے بتایا کہ صد سالہ جشن طلباء کے لیے بہت سی خوشیاں لیکر آئے گا، جامعہ میں متعدد نئے کورسز کا آغاز ہوگا اور میڈیکل کالج بنانے کے لیے متعدد اقدامات کیے جائیں گے۔
جامعہ کی وائس چانسلر ڈاکٹر نجمہ اختر نے مزید یہ خواہش ظاہر کی ہے کہ آئندہ برس جامعہ کی صد سالہ تقریب میں بطور مہمان خصوصی وزیر اعظم نریندر مودی شرکت کریں گے۔
