مہاراشٹر: 'میرا راشن میرا ادھیکار' مہم شروع

ریاست مہاراشٹر کے شہر اورنگ آباد میں جماعت اسلامی ہند کی جانب سے ریاست گیر سطح پر میرا راشن میرا ادھیکار کے نام سے مہم شروع کی گئی ہے اس مہم کے تحت ضرورتمندوں تک اناج کی تقسیم کو یقینی بنایا جارہا ہے۔

اس سلسلہ میں اورنگ آباد ضلع کلکٹر آفس میں کلکٹر سے نمائندگی کی گئی۔واضح رہے کہ جماعت اسلامی ہند کی جانب سے ریاست گیر سطح پر میرا راشن میرا ادھیکار کے نام سے مہم شروع کی گئی ہے اس مہم کا مقصد ضرورتمندوں اور مستحق افراد کو ان کے حق کا راشن دلانا ہے۔

اس سلسلے میں جماعت کے کارکنان ہر ضلع کلکٹر آفس پہنچ کر ڈسٹرکٹ سپلائی آفیسر سے نمائندگی کررہے ہیں اسی طرح راشن کی دکانوں پر پہنچ کرراشن کی تقسیم کو صاف شفاف بنانے پر زور دیا جارہا ہے ، اس سلسلے میں اورنگ آباد کے ضلع کلکٹر سے بھی نمائندگی کی گئی ۔