برج خلیفہ پر جسنڈا آرڈرن کی تصویر

دنیا کی سب سے اونچی عمارت برج خلیفہ پر پروجیکٹر کے ذریعے نیوزی لینڈ کی وزیراعظم کی تصویر بنا کر متحد عرب امارات نے انہیں مسلمانوں کے تئیں ہمدردی کا اظہار کرنے پر شکریہ ادا کیا۔

گذشتہ ہفتے کرائسٹ چرچ میں مساجد پر ہونے والے حملے کے پیش نظر نیوزی لینڈ کی وزیراعظم جسنڈا آرڈرن نے انسانیت اور امن پسندی کی مثال پیش کرتے ہوئے کروڑوں لوگوں کا دل جیت لیا۔

کرائسٹ چرچ دہشت گردانہ حملے کے بعد پورے نیوزی لینڈ کی عوام مسلمانوں کے شانہ بشانہ کھڑے ہوتے ہوئے امن و امان کا پیغام دیا ہے۔
گذشتہ جمعہ کو پورے نیوزی لینڈ اذان کی آواز سے گونج اٹھا تھا۔ وزیراعظم جسنڈا آرڈرن کے ساتھ ساتھ ملک کی خواتین نے حجاب پہن کر مسلمانوں کے تئیں اظہار ہمدردی کا اظہار کیا۔

واضح رہے کہ گذشتہ ہفتے نماز جمعہ سے عین قبل ایک شخص نے کرائسٹ چرچ کی مسجد میں داخل ہو کر اندھادھند فائرنگ کی تھی جس میں تقریباً 50 سے زائد افراد ہلاک ہوئے تھے۔