نیوزی لینڈ میں دہشت گردی کی وجہ اسلامو فوبیا:کنیڈا

کینیڈا کے وزیراعظم جسٹس ٹروڈو نے نیوزی لینڈ میں دہشت گردی کے واقعہ کی مذمت کرتے ہوئے کہا کہ اس قسم کے واقعات کی بڑھتی ہوئی وجہ اسلامو فوبیا ہے۔

کینیڈین پارلیمنٹ میں پالیسی بیان دیتے ہوئے ٹروڈو نے مسلم کمیونٹی سے تعزیت کا اظہار کیا اور کہا کہ وہ دنیا بھر کے مسلمانوں کے غم میں شریک ہیں۔

انہوں نے عالمی رہنماؤں سے اپیل کی کہ نفرت انگیزی کے خلاف مل کر کوشش کی جائے۔

ان کا کہنا تھا:' نفرت انگیزی سے لڑنے والوں کو حکمرانوں کی حمایت حاصل نہیں، نیوزی لینڈ میں جانی نقصان کو نظر انداز نہیں کیا جاسکتا ہے'۔

جسٹس ٹروڈو نے مزید کہا کہ نیوزی لینڈ کی تاریخ کی بدترین دہشت گردی کی وجہ اسلامو فوبیا ہے۔ یہ بتانے کے لیے اب بہت ہوچکا ہے ہم آج سے نفرت کے خلاف قدم اٹھا سکتے ہیں۔ آج کے بعد منافرت پھیلانے اور تشدد پر اکسانے والے بچ نہیں پائیں گے۔

ان کا کہنا تھا کہ نفرت کے خلاف مسلمان، مسیحی، یہودی، گورے، کالے سب کو مل کر لڑنا ہوگا۔