'تراویح کی نمازیں گھروں میں ہی ادا کی جائیں'

عالم دین مفتی زاہد حسین نے کہا کہ رمضان میں بھی نمازیں گھروں میں ادا کریں، تراویح کا اہتمام بھی گھروں میں ہی کریں۔ سماجی دوری بنائے رکھیں لیکن اللہ رب العالمین سے رشتہ استوار کریں اور زیادہ سے زیادہ عبادت کریں۔

بین الاقوامی سطح پر کورونا نامی مہلک بیماری سے متاثرین کی تعداد میں روز بروز اضافہ ہو رہا ہے۔بھارت میں بھی یہ مرض طاعون کی شکل اختیار کر چکا ہے۔

ہریانہ میں میوات کے نوح میں کورونا وائرس کے مثبت کیسز کی تعداد 50 کو عبور کر چکی ہے۔

رمضان کا مقدس مہینہ آنے والا ہے۔اسی کے پیش نظر نوح کے بڑے مدرسہ معین الاسلام کے ناظم مفتی زاہد حسین نے کہا کہ رمضان میں بھی نمازیں گھروں میں ادا کریں، تراویح کا اہتمام بھی گھروں میں ہی کریں۔

انہوں نے مزید کہا کہ سماجی دوری بنائے رکھیں لیکن اللہ رب العالمین سے رشتہ استوار کریں اور زیادہ سے زیادہ عبادت کریں۔

انہوں نے کہا کہ اگر محکمہ صحت کی جانب سے کسی طرح کا کوئی ٹیسٹ کیا جائے تو اس میں ہچکچاہٹ محسوس نہ کریں اس سے آپ کا روزہ نہیں ٹوٹے گا۔ کرونا کے لئے سیمپل دینے سے روزہ نہیں ٹوٹتا۔