پاکستان میں آئی پی ایل نشریات پر پابندی

پاکستانی حکومت نے آئی پی ایل کے نشریات پر پابندی کا اعلان کیا۔ پاکستانی وزیر اطلاعات و نشریات فواد چوہدری نے بتایا کہ کابینہ نے ملک بھر میں آئی پی ایل کے میچز دکھانے پر پابندی کی منظوری دی ہے۔

فواد چوہدری کا کہنا تھا کہ وزارت اطلاعات و نشریات نے کابینہ سے آئی پی ایل پر پابندی لگانے کی درخواست دی تھی کیونکہ بھارت نے 'پی ایس ایل کو کو منظم انداز میں نقصان پہنچانے کی کوشش کی تھی'۔

پاکستانی وزیر اطلاعات کا کہنا تھا کہ پاکستان میڈیا الیکٹرانک ریگولیٹری اتھارٹی (پیمرا) پاکستان میں آئی پی ایل کے نشر نہ ہونے کو یقینی بنائے گی۔

فواد چاہدری نے مزید کہا کہ ہم نہیں چاہتے کہ سیاسی اختلافات کھیل اور ثقافتی سرگرمیوں کے آڑے آئیں لیکن بھارتی کھلاڑیوں نے پاکستانی کھلاڑیوں اور فنکاروں کے خلاف سخت انداز اختیار کیا تھا۔