اس میچ میں تیز گیند باز محمد سمیع نے شاندار گیندبازی کرتے ہوئے 35 رن دے کر تین وکٹ حاصل کی، جبکہ یونیورس باس کرس گیل نے 51 رن اور مندیپ سنگھ بغیر آؤٹ ہوئے 66 رن کی بہترین نصف سنچریز بنائی۔
کنگس الیون پنجاب نے اپنا شاندار مظاہرہ جاری رکھتے ہوئے کولکاتہ نائٹ رائیڈرس (کے کے آر) کو پیر کے روز آٹھ وکٹ سے شکست دے کر مسلسل پانچویں جیت درج کی ہے۔
اسی کے ساتھ پنجاب نے پلے آف کے لیے اپنا دعویٰ مضبوط کرلیا ہے۔
پنجاب نے اپنے گیندبازوں کے شاندار مظاہرے سے کولکاتہ کو 20 اوورز میں نو وکٹ پر 149 رن کے معمولی سکور پر روکنے کے بعد 18.5 اوورز میں دو وکٹ پر 150 رن بنا کر آسان جیت اپنے نام کرلی۔
پنجاب کی 12 میچز میں یہ چھٹی جیت ہے اور اس طرح اب پنجاب کے 12 پوائنٹز ہوگئے ہیں۔
واضح رہے کہ پنجاب اب چوتھے مقام پرآ گیا ہے، جبکہ کولکاتہ کو دوسری جانب 12 میچز میں چھٹی شکست کا سامنا کرنا پڑا تاہم اس کے کھاتے میں بھی 12 پوائنٹز ہیں، وہیں کولکاتہ پانچویں مقام پر آ گیا ہے۔
