عالمی اٹامک انرجی ایجنسی کے اجلاس میں ایران کی خلاف قرار داد منظور

یوروپی یونین کے رکن ممالک بورڈ کے ارکان نے 25 ووٹوں کی اکثریت کے ساتھ ایران کے خلاف قرار داد منظور کی ہے۔

یوروپی یونین کے رکن ممالک کی جانب سے پیش کی گئی قرار داد میں تہران پر زور دیا گیا ہے کہ وہ 'انٹرنیشنل ایجنسی کے انسپکٹرز کو اپنی دو نیوکلیئر تنصیبات تک رسائی دے۔ ایجنسی کے اطمینان کیلئے اس کے انسپکٹرز کے ساتھ بلا تاخیر مکمل تعاون کرے'۔

بورڈ کے ارکان نے 25 ووٹوں کی اکثریت کے ساتھ قرارداد کی منظوری دی۔

روس اور چین نے قرارداد کے خلاف ووٹ دیا۔

سات ارکان نے رائے شماری میں حصہ نہیں لیا، جن میں جنوبی افریقہ، بھارت، پاکستان، تھائی لینڈ، منگولیا، آذربائیجان اور نائیجریا شامل ہیں۔

یہ قرارداد فرانس، جرمنی اور برطانیہ نے پیش کی جسے امریکہ کی حمایت حاصل تھی۔

بہرحال نیوکلیئر واچ ڈاگ انٹرنیشنل اٹامک انرجی ایجنسی کے بورڈ آف گورنرز نے ایران کے خلاف قرار داد کی منظوری دے دی۔