اندور: کورونا وائرس سے ڈاکٹر کی موت

مدھیہ پردیش کے صنعتی شہر اندور میں کورونا وائرس سے متاثر ڈاکٹر شتروگھن پنجوانی کی آج موت ہوگئی۔

چیف میڈیکل آفیسر ڈاکٹر پروین نے بتایا کہ کورونا وائرس سے متاثر ڈاکٹر شتروگھن پنجوانی کی آج موت ہوگئی، گزشتہ چند دنوں قبل ہی ڈاکٹر پنجوانی کی ٹیسٹ رپورٹ پازیٹیو آئی تھی۔ جس کے بعد سے ڈاکٹر پنجوانی اندور کے اروندو اسپتال میں زیر علاج تھے۔

واضح رہے کہ کورونا وائرس سے کسی ڈاکٹر کی یہ اندور میں پہلی موت ہے، پنجوانی اندور کے روپ رام نگر میں رہائش پذیر تھے۔

ریاست بھر میں کورونا وائرس کے سب سے زیادہ مریض اندور میں ہی ملے ہیں اور شہر میں متاثرین کی تعداد 200 تک پہنچ گئی ہے۔