بھارت کے دارالحکومت نئی دہلی میں ایل این جے پی ہاسپٹل کے ڈاکٹرز پر مریضوں کے ساتھ بدسلوکی کرنے کا الزام عائد کیا گیا ہے۔
پردیپ کمار نامی ایک شخص نے بتایا کہ دہلی کے سرکاری ہسپتال 'ایل این جے پی' میں ان کی اہلیہ گذشتہ دو دنوں سے داخل کرائی گئی ہیں، لیکن اب تک ان کی اہلیہ کو کوئی ڈاکٹر دیکھنے نہیں آیا ہے۔
کچھ اسی طرح کا معاملہ دہلی کے سرکاری ہسپتال 'آر ایم ایل' کا بھی ہے، جہاں لوگوں کو انتہائی مشکلات کا سامنا ہے۔ 29 سالہ منوج کمار کا کہنا کہ یہاں امیر و غریب میں تفریق سے کام لیا جاتا ہے۔
اس کے علاوہ دہلی کے اعلی سطح کا ہسپتال 'ایمس' بھی خامیوں سے خالی نہیں ہے۔ یہاں لوگون کو گندگی سے متعلق مختلف طرح کی شکایات ہیں۔
حکومت کا دعوی ہے کہ مریضوں کو ہر طرح کی سہولیات مہیا کرائی جا رہی ہیں، لیکن زمینی حقیقت کا اندازہ لوگوں کی پریشان کن فریادوں سے لگایا جا سکتا ہے۔
