پیاز کی برآمدات پر روک

حکومت نے ملک میں پیاز کی قیمتوں میں کمی کے مقصد سے پیاز کی برآمدات پر پابندی لگا دی ہے جو فوری طور پر نافذالعمل ہوگی۔

سرکاری ذرائع کے مطابق پیاز کی برآمدات پر روک لگانے کے تعلق سے آج نوٹیفکیشن جاری کردیا گیا۔ یہ پابندی آئندہ احکامات تک جاری رہیں گی۔

واضح رہے کہ دارالحکومت دہلی سمیت ملک کے دیگر حصوں میں پیاز کی خوردہ قیمت 50 سے 60 روپے فی کلوگرام تک پہنچ گئی ہے۔
حکومت نے ہنگامی ضرورت کے لیے 50 ہزار ٹن پیاز کا ذخیرہ کررکھا تھا جس میں سے دہلی، ہریانہ، اوڈیشہ، آندھراپردیش اور تریپورہ کو پیاز سپلائی بھی کی گئی تھی۔

دہلی میں ڈیری کے سپھل اور کچھ دیگر ذرائع سے 23 سے 24 روپے فی کلوگرام کی شرح سے پیاز فراہم کرائی جارہی ہے۔

مہاراشٹر اور کئی دیگر ریاستوں میں شدید بارش اور سیلاب کی وجہ سے پیاز کی نقل وحمل میں پریشانی کا سامنا کرنا پڑ رہا ہے۔

حکومت نے کچھ ایجنسیوں کی محدود مقدار میں پیاز درآمد کرنے کی ہدایت بھی دی ہے۔