افغانستان پر بڑی جیت کے مقصد سے اترے گی ٹیم انڈیا

بھارت نے اب تک اپنے چار میچیز میں جنوبی افریقہ کو چھ وکٹز سے، آسٹریلیا کو 36 رنز سے اور روایتی حریف پاکستان کو 89 رنز سے شکست دی ہے۔

بہترین کارکردگی کا مظاہرہ کر رہی بھارتی کرکٹ ٹیم آئی سی سی ورلڈ کپ میں اپنی فتوحات کا سلسلہ جاری رکھتے ہوئے افغانستان کے خلاف ہفتہ کے روز ہونے والے مقابلے میں بڑی فتح حاصل کرنے کے ارادے سے اترے گی۔

بھارتی ٹیم نے اب تک اپنے سبھی میچیز جیتے ہیں۔ بھارت کو چار میں سے تین میچیز میں کامیابی ملی ہے۔ بھارت کا ایک میچ منسوخ ہونے کے بعد وہ سات پوائنٹس حاصل کرکے پوائنٹس ٹیبل میں چوتھے مقام پر ہے۔

اوپنر شکھر دھون کے زخمی ہونے کی وجہ سے عالمی کپ سے باہر ہو جانے اور تیز گیند باز بھونیشور کمار کو ہیمسٹرنگ چوٹ کی وجہ بھارت کو اس مقابلے میں متوازن الیون ٹیم اتارنی ہے۔

بھارت نے اب تک اپنے چار میچیز میں جنوبی افریقہ کو چھ وکٹز سے، آسٹریلیا کو 36 رنز سے اور روایتی حریف پاکستان کو 89 رنز سے شکست دی ہے۔ جبکہ نیوزی لینڈ سے اس کا مقابلہ بارش کی وجہ سے منسوخ رہا تھا۔

دوسری طرف افغانستان کی ٹیم جدوجہد کرنے کے باوجود اپنا پانچواں میچ ہار چکی ہے اور پوائنٹس ٹیبل میں وہ سب سے نیچے ہے۔