فوجی سربراہ ایم ایم نروانے کی اعلی فوجی عہدیداروں کے ساتھ میٹنگ

بھارتی فوج کے سربراہ جنرل ایم ایم نروانے نے دہلی میں بھارتی فوج کے اعلی عہدیداروں کے ساتھ ایک میٹنگ کی اور صورتحال کا جائزہ لیا۔ فوجی ذرائع نے بتایا کہ تمام اعلی فوجی کمانڈرز دہلی میں موجود ہیں اور دوسرے مرحلے کی میٹنگ کے لیے تیار ہیں۔

فوجی کمانڈرز میٹنگ 22 اور 23 جون کو دہلی میں جاری رہے گی تاکہ شمالی اور مغربی سرحد پر صورتحال کا جائزہ لیا جا سکے اور اس سلسلہ میں حکمت عملی تیار کی جا سکے۔

یہ میٹنگ ایسے وقت میں کی جا رہی ہے جب بھارت اور چین کے درمیان فوجی مذاکرات جاری ہیں اور سفارتی مذاکرات کی تیاری بھی کی جارہی ہے تاکہ دونوں ممالک کے درمیان فوجی تناؤ کو کم کیا جا سکے۔

واضح رہے کہ 15 جون کو وادی گلوان میں ہوئی خونی جھڑپ میں بھارت کے 20 فوجی جوان ہلاک ہوگئے تھے اور بھارت نے دعوی کیا تھا کہ چین کی جانب سے 43 فوجی جوان ہلاک اور زخمی ہوئے ہیں۔