بھارت ووہان سے غیر ملکیوں کو بھی واپس لائے گا

ہندوستان نے کورونا وائرس کے خلاف لڑائی میں چین کی امداد کے لئے طبی امدادی سامان کے ساتھ ایک طیارے کو ووہان بھیجنے کا فیصلہ کیا ہے جس میں تقریبا سو ہندوستانیوں اور ہمسایہ ممالک کے کچھ شہریوں کو وہاں سے نکالا جائے گا۔

وزارت خارجہ کے ترجمان رويش کمار نے یہاں با ضابطہ بریفنگ میں کہا کہ حکومت ہند نے طبی امدادی سامان لے کر ایک طیارہ ووہان بھیجنے کا فیصلہ کیا ہے۔ فضائیہ کا گلوب ماسٹر طیارہ پرواز کے لئے تیار ہے۔ چین کی جانب سے اجازت ملتے ہی طیارے پرواز بھرے گا۔

کمار نے کہا کہ واپسی میں یہ طیارہ ان ہندوستانیوں کو لے آئے گا جو گزشتہ دو پروازوں میں نہیں آ پائے تھے۔ جو بھی آنے کے خواہش مند ہیں، ان سے ہندوستانی سفارت خانے سے رابطہ کرنے كو کہا گیا ہے۔

طیارے میں جگہ دستیاب ہونے پر ہم دوسرے ممالک کے شہریوں کو بھی لائیں گے۔ کن دیگر ممالک کے شہریوں کو لایا جائے گا، یہ پوچھے جانے پر ترجمان نے کہا کہ ہندوستان نے ہمسایہ اوّل کے اصول پر ہمسایہ ممالک کے شہریوں کو نکالا تھا، لیکن اس مرتبہ یہ ہندوستانی شہریوں کی تعداد کی تصدیق ہونے کے بعد طے کیا جائے گا کہ کتنے غیر ملکی شہریوں کو نکالا جائے۔