بھارت: کورونا کے کیسز آٹھ لاکھ سے تجاوز

ملک بھر میں کورونا کے کیسز میں حد درجہ اضافہ ہو رہا ہے، یہاں اب تک کورونا کیسز کی مجموعی تعداد آٹھ لاکھ سے بھی تجاوز کر گئی ہے۔ جبکہ کل اموات 22 ہزار سے متجاوز ہیں۔

مرکزی وزارت صحت کی جانب سے جاری تازہ اعدادوشمار کے مطابق گزشتہ 24 گھنٹوں میں اب تک سب سے زیادہ 27 ہزار 114 نئے کیسز رپورٹ ہوئے ہیں، جبکہ اسی عرصے میں 519 اموات بھی ہوئی ہیں جو اب تک کے اعدادوشمار کے مطابق سیک دن میں سب سے زیادہ اموات ہیں۔

بھارت میں کورونا کی کل مجموعی تعداد آٹھ لاکھ 20 ہزار 916 ہو گئی ہے، وہیں اموات کی مجموعی 22 ہزار 123 تک جا پہنچی ہے۔

اس میں دو لاکھ 83 ہزار فعال کیسز ہیں، جبکہ پانچ لاکھ 15 ہزار 386 افراد اب تک اس وبا سے چھٹکارا حاصلہ کر چکے ہیں۔

بھارت: کورونا کے کیسز آٹھ لاکھ سے تجاوز

ملک میں کورونا سے سب سے زیادہ متاثرہ ریاست مہاراشٹر ہے جہاں کورونا کی تعداد ڈھائی لاکھ کے قریب ہے، ریاست میں ملک کی اموات کا نصف صرف ریاست میں اکیلے ہے۔