آکسفورڈ یونیورسٹی میں بھارت۔پاکستان کے طلباء کا اظہار یکجہتی

بھارت۔پاکستان کے مابین جاری کشیدگی کے خلاف برطانیہ کی آکسفورڈ یونیورسٹی کے بھارتی اور پاکستانی طلبا ایک ہوگئے ہیں۔

انہوں نے مشترکہ بیان میں دونوں ملکوں کے رہنماؤں سے باہمی مسائل کا حل بات چیت کے ذریعے نکالنے کا مطالبہ کیا ہے۔

آکسفورڈ کے بھارتی اور پاکستانی طلبا کے جاری مشترکہ بیان میں کہا گیا ہے کہ جنگ ایک بھیانک چیز ہے جس کے نتیجے میں صرف موت اور نہ ختم ہونے والے غم ملتے ہیں۔

بھارت ، پاکستان اور دنیا بھر کے تمام بھارتی اور پاکستانی لوگوں سے اپیل ہے کہ نفرت کے بیان کو رد کر کے آپس میں اتحاد اور محبت کی فضا ہموار کریں۔

اس موقع پر مشترکہ بیان میں میڈیا پر پھیلائی جانے والی ہیجان انگیز اور غیر مستند خبروں کی بھی شدید مذمت کی گئی۔