'بھارت کو سب سے بڑی معاشی ایمرجنسی کا سامنا کرنا پڑا ہے'

آر بی آئی کے سابق گورننر رگو رام راجن نے کہا ہے کہ بھارت کو اب تک کی سب سے بڑی معاشی ایمرجنسی کا سامنا کرنا پڑا ہے۔

ریزرو بینک آف انڈیا کے سابق گورنر رگو رام راجن نے کہا ہے کہ بھارت کو آزادی کے بعد سب سے بڑی معاشی ایمرجنسی کا سامنا کرنا پڑا ہے۔

انہوں نے لنکڈ ان ویب سائٹ پر اپنی رائے کا اظہار کرتے ہوئے کہا 'معاشی طرز پر، بھارت کو آزادی کے بعد سب سے بڑی معاشی ایمرجنسی سے گزرنا پڑ ا ہے،اس سے پہلے بھی سنہ 2008 اور 09 میں عالمی معاشی ایمرجنسی کا سامنا کرنا پڑا تھا، لیکن تب ملازمین، کاروباری، و دیگر معاشی کام کاج روانی میں تھے اور ہماری حکومت معاشی اعتبار سے امیر تھی، اور آج ایسا بلکل نہیں جب ملک کو کورونا وائرس کا سامنا ہے'۔

انہوں نےمزید کہا 'ملک بھر میں طویل عرصے کا لاک ڈاون بہت مشکل ہے، اس لیے ہمیں سوچنا چاہیے کے کیسے ہم ہدایات پر عمل کرتے ہوئے کچھ کاروبار شروع کر سکیں'۔

رگو رام راجن کا ماننا ہے کہ مرکزی و ریاستی حکومتیں ایک ساتھ مل کر اور این جی اوز کو ساتھ لے کر غریبوں اور ضرورت مندوں کی مدد کریں اور ضرورت مندوں کو اگلے کچھ مہینوں کے لیے براہ راست ان کے اکاونٹ میں پیسے بھیجیں۔