انہوں نے کہاکہ حیدرآباد میں 22،میڑچل میں 15،رنگاریڈی میں 5،سنگاریڈی میں تین بستی دواخانوں کا افتتاح کیاجائے گا۔گریٹرحیدرآباد میونسپل کارپوریشن حدود میں موجودہ طورپر 123بستی دواخانے ہیں۔
ان دواخانوں سے روزانہ تقریبا دس ہزار افرادفائدہ اٹھارہے ہیں۔نئے بستی دواخانوں سے تقریبا چار ہزار افراد فائدہ اٹھائیں گے۔گریٹرحیدرآبادمیونسپل کارپوریشن(جی ایچ ایم سی)نے محکمہ صحت کے تال میل کے ساتھ نوڈل آفیسرس کو مقرر کیا ہے۔
ان دواخانوں جن کا افتتاح ہونے والا ہے،کی نگرانی کی جاسکے اور تال میل پیداکیاجاسکے۔وزیراعلی کے چندرشیکھر راو نے حال ہی میں عہدیداروں کو ہدایت دی تھی کہ وہ نئے دواخانوں کا فوری طورپر افتتاح کروائیں۔
اس کے بعد جی ایچ ایم سی نے نوڈل آفیسرس مقرر کئے تاکہ ان کے افتتاح کے لئے تال میل پیداکیاجاسکے اور نگرانی کی جاسکے۔ان عہدیداروں کو مقررہ کام مکمل کرنے کی ہدایت دی گئی ہے۔افتتاح کے دن سے ہی یہ بستی دواخانے مکمل طورپر کارکرد ہوجائیں گے۔