جبل پور کانگریس کے رہنما سوربھ شرما نے آر ٹی آئی کے ذریعے پانی کی جانچ کی رپورٹ نکالی جس میں صاف طور سے پایا گیا کہ یہ پانی پینے کے قابل نہیں ہے۔
وائرل ویڈیو میں دکھایا گیا کہ ایک بچہ آلودہ پانی پی لیتا ہے، اور اس کی طبیعت خراب ہوجاتی ہے اور اسے خون کی الٹیاں ہونے لگتی ہے اس بیماری کیوجہ آلودہ پانی بتایا گیا۔
آر ٹی آئی سے نکالی گئی رپورٹ سے واضح ہوتا ہے کہ میونسپل کارپوریشن عوام کے گھروں تک جو پانی پہنچا رہا ہے اس پانی میں غلاظتوں میں پائے جانے والا ایکولائی اور کولیفورم بیکٹیریا بڑی تعداد میں موجود ہے۔ پانی کی ٹنکیوں میں موجود پانی ٹھیک ہے لیکن گھروں تک جو پانی پہنچ رہا ہے وہ بیچ میں کہیں آلودہ ہورہا ہےاور یہی پانی لوگ گھروں میں کھانے اور پینے میں استعمال کررہے ہیں۔
سوربھ نےیہ معلومات حاصل کی کہ گذشتہ 5 برسوں میں کارپوریشن نے 100 کروڑ روپے پائپ لائن کے رکھ رکھاؤ کے لیے خرچ کیے ہیں۔کانگریس رہنماؤں کا کہنا ہے کہ اتنا پیسہ خرچ ہونے کے باوجود نالے کا گندہ پانی واٹر سپلائی میں کیسے مل رہا ہے۔