آئی فون اور آئی پیڈ استعمال کرنے والے کو اہم ہدایت

متحدہ عرب امارات نے اپنے شہریوں کو آئی فون اور آئی پیڈ پر انسٹال میل ایپ کا استعمال فوری روکنے کی ہدایت دی ہے۔

غیر ملکی میڈیا کے مطابق ابوظبی ڈیجیٹل اتھارٹی نے آئی فون صارفین کو ڈیوائسز میں پہلے سے انسٹال آئی میل سیکورٹی اور پرائیویسی خدشات کی بنیاد پر ہر گز استعمال نہ کرنے کا مشورہ دے دیا ہے۔

سماجی رابطے کی ویب سائٹ ٹوئٹر پر اس حوالے سے ایک نوٹس جاری کیا گیا ہے جس میں ابوظبی ڈیجیٹل اتھارٹی نے میل ایپ کی سیکورٹی میں کمزوریاں سامنے آنے کے بعد صارفین کو خبردار کیا گیا ہے کہ ان کا ڈیٹا ہیکرز کے سامنے بے نقاب ہو سکتا ہے۔

متحدہ عرب امارات کی اتھارٹی نے سفارش کی ہے کہ صارفین اس وقت تک متبادل میل ایپس کا انتخاب کریں جب تک کہ ایپل اٹھائے گئے سکیورٹی خدشات کو دور کرنے کے لیے کوئی تدبیر نہیں کرتا۔