آئی ایم اے دھوکہ دہی کیس کی جانچ سی بی آئی کے سپرد

رواں برس 15 جون کو بنگلور کے وکیل رحمت اللہ کوتوال کی جانب سے ریاستی حکومت کو ایک میمورنڈم پیش کیا گیا تھا جس میں آئی ایم اے (آئی مونیٹری ایڈوائزری) حلال سرمایہ کاری کے نام پر کی گئی دھوکہ دہی معاملہ کو سی بی آئی کے سپرد کیا جائے۔

آئی ایم اے کے تعلق داخل کی گئی مفاد عامہ کی شنوائی کے دوران ریاستی حکومت کے وکیل نے بتایا کہ وہ آئی ایم اے کیس کو سی بی آئی کے حوالے کرنا چاہتی ہے اور اس نتیجہ میں ہائی کورٹ کے دو ججز کی بینچ چیف جسٹس سری نواس اور جسٹس محمد نواز نے یہ فیصلہ صادر کیا کہ یہ معاملہ سی بی آئی کے سپرد کیا جارہا ہے،

ایڈوکیٹ رحمت اللہ نے ای ٹی وی بھارت کو بتایا کہ آئی ایم اے کی عرضی جو انہوں نے ریاستی حکومت کو پیش کی تھی اس پر غور کرنے کے بعد کیس سی بی آئی کے سپرد کر دیا ہے۔

انہوں نے کہا کہ یہ جانچ اب ہائی کورٹ کی نگرانی میں سی بی آئی کرے گی۔