کاش آپ کے سوال کا سیدھا جواب میر ے پاس ہوتا: کے ٹی آر

آپ کا سوال دنیا کے ہر فرد کے ذہن میں ہے میں صرف اتنا کہہ سکتا ہوں کہ کاش میرے پاس اس کا سیدھا جواب ہوتا یہ دلچسپ ریمارکس تلنگانہ کے وزیر انفارمیشن ٹکنالوجی کے تارک راما راو نے کئے جن کو سوشیل میڈیا کے اہم ذریعہ ٹوئیٹر پر ایک ننھی لڑکی نے سوال کیا تھا کہ یہ کورونا وائرس کب جائے گا؟

سوریہ نرسمہا کی آئی ڈی کے ذریعہ تلنگانہ کے وزیر کو ایک مختصر 21سکنڈ کی ویڈیو بھیجی گئی تھی۔اس ویڈیو کے ساتھ کئے گئے ٹوئیٹ میں لڑکی کے ماموں نے وزیر موصوف کو مخاطب کرتے ہوئے کہا کہ ان کی پانچ سال کی بھانجی چائترا ان کے جوابات سے مطمئن نہیں ہے۔

کاش آپ کے سوال کا سیدھا جواب میر ے پاس ہوتا: کے ٹی آر

اسی لئے وہ راو سے سوالات کرنا چاہتی ہے۔اس ویڈیوجس کو کئی افراد نے اب تک دیکھا ہے، میں ننھی لڑکی ان سے انگریزی میں کہہ رہی ہے کہ وہ گھر سے باہر جانا چاہتی ہے،اپنی سہیلیوں سے ملاقات کرنا چاہتی ہے،اسکول،مالس کو جانا چاہتی ہے،کول ڈرنکس پینا چاہتی ہے،فلم دیکھنا چاہتی ہے۔

یہ کورونا وائرس کب جائے گا؟۔وزیر موصوف اس ویڈیو جس کو کافی پسند کیاجارہا ہے، پر عملا لاجواب ہوگئے تاہم انہوں نے اتنا ضرورکہا آپ کا سوال دنیا کے ہر فرد کے ذہن میں ہے میں صرف اتنا کہہ سکتا ہوں کہ کاش میرے پاس اس کا سیدھا جواب ہوتا۔

تارک راماراو تلنگانہ کے وزیراعلی کے چندرشیکھرراو کے فرزند اور حکمران جماعت ٹی آرایس کے کارگذار صدر ہیں جو سوشیل میڈیا کے اس اہم ذریعہ پر کافی سرگرم رہتے ہیں۔