یوپی چیف سکریٹری کو قومی انسانی حقوق کمیشن کا نوٹس

شہریت ترمیمی قانون کے خلاف اترپردیش کے دارالحکومت لکھنو میں 19 دسمبر کو مظاہرہ ہوا جو شام ڈھلتے ڈھلتے پر تشدد ہو گیا تھا۔

پولیس نے سخت کارروائی کرتے ہوئے بڑی تعداد میں نوجوانوں اور سماجی کارکنان کو گرفتار کیا تھا۔

اس کے علاوہ اترپردیش میں تشدد کے دوران پولیس فائرنگ میں کئی لوگوں کی موت ہوئی جبکہ سیکڑوں کی تعداد میں مظاہرین زخمی ہوئے تھے۔

یو پی چیف سیکرٹری کو قومی انسانی حقوق کمیشن کا نوٹس

کانگریس جنرل سکریٹری پرینکا گاندھی نے قومی انسانی حقوق کمیشن میں شکایت درج کروائی تھی جس کے نتیجے میں کمیشن نے یو پی چیف سکریٹری کو ایک نوٹس جاری کرتے ہوئے چھ ہفتوں کے اندر پوری رپورٹ طلب کی ہے۔

کمیشن میں پرینکا گاندھی نے اترپردیش میں شہریت ترمیمی قانون کے خلاف ہوئے احتجاج کے دوران پولیس کی بربریت اور سرکاری ناکامی کے خلاف شکایت درج کروائی تھی۔

پرینکا گاندھی کے ساتھ اترپردیش کانگریس کمیٹی کے صدر اجے کمار للو، آرادھنا مشرا، پی ایل پنیا اور اترپردیش کانگریس اقلیتی شعبہ کے صدر شاہنواز عالم بھی شکایت درج کروانے والوں میں شامل تھے۔