''سپر 30'' پر ریتک روشن کا سنسنی خیز انکشاف

اداکار ریتک روشن کا کہنا ہے کہ لوگوں نے انہیں سپر 30 اور کوئی مل گیا جیسی فلموں میں کام کرنےکے لیے منع کیا تھا۔

ریتک روشن کی فلم سپر 30 حال ہی میں ریلیز ہوئی۔ فلم باکس آفس پر کامیاب رہی ہے۔ فلم میں انہوں نے پٹنہ کے ریاضی کے ٹیچر آنند کمار کا رول ادا کیا ہے۔ فلم میں اپنے کردار کے لئے ریتک نے جم کر محنت کی ہے۔ بہاری لہجے کو سیکھنے کےلئے ریتک ہر دن تقریباً دو گھنٹے پریکٹس کرتے تھے۔

ریتک روشن نے بتایا کہ کئی لوگوں نے ان سے سپر30اور کوئی مل گیا جیسی فلمیں کرنے کے لئے منع کیا تھا۔ لوگوں کا خیال تھا کہ ان کی شبیہ ایک ایکشن ہیرو کی بن چکی ہے اور انہیں مسلسل ایکشن فلمیں ہی کرنی چاہئے۔
انہوں نے بتایا 'لوگ مجھ سے ''سپر30'' نہ کرنے کےلئے کہتے تھے۔انہوں نے یہی بات مجھ سے ''کوئی مل'' گیا فلم کرنےسے پہلی کہی تھی ۔ آپ ایک ایکشن ہیرو ہیں اور آپ ایسی فلموں میں کیا کررہے ہیں۔ جب بات آپ کے دل میں آجاتی ہے تو ریاضی اور اور حساب کتاب سے لڑنا ضروری ہوجاتا ہے۔‘

ریتک روشن کی نئی فلم کا ٹیلر جاری ہوچکا ہے ۔ اس میں ان کے ساتھ پہلی بار ٹائگر شراف بھی نظر آئیں گے۔ فلم کی ہدایت سدھارتھ آنند کررہے ہیں۔ یشراج فلمز کے بینر کے تحت بنی ایکشن سے بھرپور یہ فلم اس سال 2 اکتوبر کو ریلیز ہوگی۔