بھارتی وزارت داخلہ کا ہنگامی اجلاس

میٹنگ میں نیشنل قومی سلامتی کےمشیر اجیت ڈوبھال، خفیہ ایجنسی را کے چیف، داخلہ سکریٹری اور دیگر اہم افسران شامل ہو ئے۔

بھارت اور پاکستان کے درمیان سرحد پر کشیدگی میں اضافہ ہوتے جا رہا ہے۔ انہی تلخیوں کے درمیان وزیر داخلہ راجناتھ سنگھ نے اعلی سطح کی میٹنگ بلائی۔

احتیاط برتتے ہوئے بھارتی حکومت نے بھارت اور پاکستان کی سرحد سے منسلک ایئر پورٹ اور ایئر اسپیس کو ہائی الرٹ پر رکھا گیا ہے۔
جموں، سری نگر، لیہ اور چنڈی گڑھ ایئر اسپیس کو بند کر دیا گیا ہے اور کئی اڑانوں کو روک دیا گیا ہے۔
بھارتی فضائی کی کارروائی کے بعد ممکنہ پاکستانی کی جوابی کاروائی کی جا سکتی ہے۔ اسی انتباہ کو مدنظر رکھتے ہوئے ہائی الرٹ پر رکھ دیا گیا ہے۔

بھارتی فضائیہ کے حملے سے تلملا ئے پاکستان نے بدھ کے روز جنگ بندی کے خلاف ورزی کی اور بھارت کے دو طیارے کو مار گرانے کا دعوی کیا جسے بھارت نے سرے سے خارج کر دیا ہے۔
اس سے قبل آج صبح بھارتی فوج نے سرحد پار سے پاکستانی گولی باری کا سخت جواب دیتے ہوئے جموں کشمیر میں لائن آف کنٹرول کے پار واقع پاکستان کی پانچ چوکیوں کو تباہ کر دیا۔ اس کارروائی میں کئی پاکستانی فوجی متاثر ہوئے ہیں۔ ایک دفاعی افسر نے یہ اطلاع دیا ہے۔
ایک دفاعی پی آر او نے کہا،'بھارتی فوج نے جوابی کارروائی کی اور ہماری گولہ باری میں پانچ چوکیوں کو شدید نقصان پہنچا ہے اور پاکستانی فوج کے کئی جوان زخمی ہوئے ہیں۔'