امت شاہ دوبارہ ایمس میں داخل

سانس لینے میں دشواری کے سبب وزیر داخلہ امیت شاہ کو دوبارہ ایمس میں داخل کرایا گیا ہے۔ ایمس کی جانب سے بتایا جارہا ہے کہ اسے روٹین چیک اپ کے سلسلے میں داخل کرایا گیا ہے۔

مرکزی وزیر داخلہ امت شاہ کو ہفتے کی رات 11 بجے ایک بار پھر ایمس میں داخل کرایا گیا۔ ایمس کے ذرائع سے یہ خبر موصول ہورہی ہے کہ ہفتے کی رات دس بجے کھانا کھانے کے بعد وزیر داخلہ کو سانس لینے میں دشواری محسوس ہونے لگی۔

واضح رہے کہ اس سے پہلے بھی امت شاہ کو پوسٹ کووڈ کیئر میں طویل عرصے تک ایمس میں رہنا پڑا تھا۔ جبکہ اس سے قبل وہ کورونا انفیکشن کا شکار ہونے کے بعد میندانتا اسپتال میں زیر علاج تھے۔ رات گئے اطلاع ملنے کے بعد ایمس کے ایک سینئر ڈاکٹر نے بتایا کہ سانس لینے میں دشواری کے سبب روٹین جانچ کا مشورہ دیا گیا تھا ، جس کی وجہ سے انہیں داخل کرایا گیا ہے۔

اہم بات یہ ہے کہ وزیر داخلہ 2 اگست کو کورونا سے متاثر ہوئے تھے۔ اس کے بعد انہیں میندانتا اسپتال میں داخل کرایا گیا۔

وہیں 13 اگست کو ان کی کورونا رپورٹ منفی آنے کے بعد انہیں اسپتال سے فارغ کردیا گیا تھا ، لیکن 18 اگست کو سانس لینے میں کچھ دشواری ہونے کے بعد انہیں پوسٹ کووڈ کیئرکے لئے ایمس میں داخل کرایا گیا۔