ہریانہ بورڈ امتحان میں طالبہ سوفیصد نمبرات سے کامیاب

سو فیصد نمبر حاصل کرنے والی طالبہ رشیتا کا کہنا ہے کہ وہ سوشل میڈیا کا قطعی استعمال نہیں کرتی ہیں اس لیے کہ اسے تعلیم میں کوئی خلل نہیں پڑے۔

ہریانہ کے شہر حصار کے نورنانڈ سے تعلق رکھنے والی رشیتا نے ہریانہ بورڈ امتحان میں سوفیصد نمبروں سے کامیابی حاصل کی ہے۔ جس سے افراد خاندان اور علاقہ کے لوگوں میں خوشی اور مسرت کی لہر دوڑ گئی ہے۔

رشیتا کی دسویں جماعت میں شاندار کارکردگی کا مظاہرہ کرنے پر کئی لوگوں نے مبارکباد پیش کی ہے۔

رشیٹا نے جملہ 500 میں سے 500 نمبرات حاصل کیے۔ اس کے دوستوں میں اوما، کلپنا اور سشیل نارونڈ نے 499 نشانات سے ریاست میں دوسری پوزیشن حاصل کی۔

بتادیں کہ بورڈ آف اسکول ایجوکیشن ہریانہ (بی ایس ای ایچ) کے امتحانات کے نتائج ہفتہ کو جاری کردیئے گئے ہیں۔

رشیتا مستقبل مںی ایم بی بی ایس ڈاکٹر بننا چاہتی ہیں۔

انھوں نے بتایا ہے کہ 'میرے والد، والدہ اور اساتذہ نے مجھے بہت حوصلہ دیا۔ میں سمجھتی ہوں کہ محنت کی جائے تو کامیابی آسان ہوجائے گی'۔

ان کا کہنا ہے کہ وہ روزانہ کی بنیاد پر سات سے آٹھ گھنٹے پڑھائی کرتی ہیں۔

رشیتا کا کہنا ہے کہ وہ سوشل میڈیا استعمال نہیں کرتی ہیں اور اس وجہ سے انہیں کوئی خلل نہیں ہے۔