'تقسیم کے لیے ہندو مہاسبھا۔مسلم لیگ ذمہ دار'

راجیہ سبھا میں کانگریس کے ڈپٹی لیڈر آنند شرما نے کہا کہ تقسیم کے لیے کانگریس نہیں بلکہ ہندو مہا سبھا- مسلم لیگ ذمہ دار ہیں۔

راجیہ سبھا میں آنند شرما نے شہریت ترمیمی بل کی مخالفت کرتے ہوئے بھارتیہ جنتا کے اس الزام کو بے بنیاد قرار دیا کہ ملک کی تقسیم کے لیے کانگریس ذمہ دار ہے بلکہ دو قومی نظریہ سب سے پہلے ہندو مہاسبھا اور مسلم لیگ نے پیش کیا تھا اور اس میں برطانوی حکومت کا کردار تھا۔

انہوں نے ایوان بالامیں وزیر داخلہ امت شاہ کی جانب سے پیش کیے گئے اس بل پر بحث کا آغاز کرتے ہوئے کہا کہ ہم اس بل کا محض سیاسی طور پر نہیں بلکہ اس لیے اس کے خلاف ہیں کیوں کہ یہ آئین کی بنیادی ڈھانچے کے خلاف ہے بلکہ یہ اس کی روح کو ٹھیس پہنچانے والا ہے اور یہ بھارتی جمہوریہ پر حملہ ہے۔