بنارس: ڈھائی کروڑ کی ہیروئین برآمد

اس سلسلے میں دو ملزمین کو گرفتار کر کے انہیں جیل بھیج دیا گیا ہے۔ پولیس مزید کارروائی کی تیاری کر رہی ہے۔

اترپردیش کے ضلع وارانسی کی پولیس نے کینٹ علاقے میں منشیات کی اسمگلنگ کرنے والے گروہ کے دو اراکین کو گرفتار کر کے ان کے قبضے سے ڈیڑھ کل سے زائد ہیروئن برآمد کی ہے۔

برآمد ہیروئن کی عالمی بازار میں قیمت ڈھائی کروڑ روپئے بتائی جاتی ہے۔

پولیس ترجمان بتایا کہ اتوار کی رات کینٹ تھانے کی پولیس اور کرائم برانچ کی ٹیم نے مشترکہ طور سے کاروائی کرتے ہوئے اطلاع کی بنیاد پر پہاڑیا چوکی علاقے میں پرانا پٹرول پمپ کے نزدیک چیکنگ کے دوران دو مشتبہ افراد کی تلاشی لی۔

تلاشی کے دوران ان کے قبضے سے ایک کلو 542 گرائم ہیروئن برآمد ہوئی ہے۔

انہوں نے بتایا کہ پکڑے گئے اسمگلروں میں غازی پور کے جمنیا علاقے کا رہنے والا دلشیر عالم اور شفیق الرحمان شامل ہیں۔ دونوں کو جیل بھیج دیا گیا ہے۔