جسٹس روہنگٹن ایف نریمن اور جسٹس اندرا بنرجی کی بنچ نے ویڈیو کانفرنسنگ کے ذریعہ پردیپ گاندھی کی خصوصی اجازت درخواست ’ایس ایل پی‘ کی سماعت کرے گی۔
عرضی گذار نے کورونا سے متاثر لاش کو اپنے رہائشی علاقے کے قبرستان میں دفنانے پر عارضی پابندی کا مطالبہ کیا ہے۔
بامبے ہائی کورٹ نے گزشتہ 27 اپریل کو مسٹر پردیپ گاندھی کی یہ عرضی خارج کردی تھی جسے انہوں نے عدالت عظمیٰ میں چیلنج کیا ہے۔
عرضی میں کہا گیا ہے کہ قبرستان گھنی آبادی والے علاقے میں ہیں اور یہاں کورونا انفیکشن سے متاثر لاش دفنانے سے علاقے میں مٹی اور پانی کے انفیکشن کا خطرہ ہے، جس سے اردگرد کے لوگ متاثر ہوسکتے ہیں۔ اس لیے ان قبرستانوں میں اس طرح کی لاشیں دفنانے پرفوری پابندی عائد کی جائے۔ ان لاشوں کو ایسے قبرستان میں دفنانے کا حکم دیا جائے جو آبادی سے دور ہوں۔