ہریانہ: نائب وزیراعلیٰ دُشینت چوٹالہ کورونا سے متاثر

ہریانہ کے نائب وزیر اعلیٰ دُشینت چوٹالہ کی کورونا رپورٹ مثبت آئی ہے، جس کے بعد انہوں نے اپنے ملنے والوں سے اپیل کی ہے کہ ہفتے کے دوران ان سے ملنے والے سبھی افراد اپنی کورونا وائرس کی جانچ کرالیں۔ اور خود کو آئسولیٹ کرلیں۔

ریاست ہریانہ کے نائب وزیر اعلی دشینت چوٹالہ نے کہا کہ' ان کی کورونا وائرس کی رپورٹ مثبت آئی ہے، لہذا ہفتہ کے دوران ان سے ملنے والے لوگ اپنی کورونا کی جانچ کرالیں'۔

انہوں نے ٹویٹر پر اپنے ایک پیغام میں کہا کہ' میری کووڈ-19 کی ٹیسٹ رپورٹ مثبت آئی ہے۔ جبکہ مجھ میں کووڈ-19 کے علامات نہیں ہیں، لیکن چونکہ رپورٹ مثبت ہے، اس لیے میں خود ہوم کورنٹائن کر رہا ہوں۔'

آپ کو بتادیں کہ کچھ روز قبل وزیراعلی ہریانہ سمیت کئی ایم ایل ایز و دیگر اعلیٰ رہنما بھی کورونا وائرس سے متاثر پائے گئے تھے لیکن اب سبھی صحتیاب ہو چکے ہیں۔