'کورونا سے نمٹنے کے لیے ہاتھوں کی صفائی کی عادت کو فروغ دیں'

عالمی ادارہ صحت(ڈبلیو ایچ او) نے لوگوں کی زندگیاں بچانے اور کوروناوائرس’کووڈ-19‘سے مقابلہ کرنے کے لئے ممبر ممالک سے ہاتھوں کی صفائی کی عادت کو فروغ دینے کے لئے کہا ہے۔

ڈبلیو ایچ او کے جنوب مشرقی ایشیاء کی ریجنل ڈائریکٹر ڈاکٹر پونم کھیترپال سنگھ نے پیر کو ایک بیان میں کہا کہ ڈبلیو ایچ او کے جنوب مشرقی ایشیا کے ممبر ممالک کو کورونا وائرس کے پھیلاو کو روکنے کے لئے ہاتھوں کی صفائی کی عادت کو مسلسل فروغ دیتے رہنا ہوگا۔

انہوں نے کہا کہ صابن یا الکحل پر مبنی سینیٹائیزر سے باقاعدہ طور پر اچھی طرح سے ہاتھ دھونے کی عادت ایک اہم طریقہ ہے جسے اپنا کر ہم خود کی اور دوسروں کی حفاظت کرسکتے ہیں۔

ڈاکٹر کھترپال نے کہا کہ پانچ مئی کو دنیا میں سالانہ’’سیولائفز:کلین یور ہینڈس‘مہم منائی جاتی ہے۔اس روز’مڈوائف انٹر نیشنل ڈے‘بھی منایا جاتا ہے۔

انہوں نے کہا کہ یہ بہت ضروری ہے کہ ممبرممالک صحت دیکھ ریکھ کے تحت ہاتھوں کی صفائی کی عادت کو لگاتار فروغ دیتے رہیں۔