گن مین کی خودکشی

مرآداباد میں سماج وادی پارٹی کے ایم ایل اے حاجی اکرام قریشی کے گن مین نے خود کو گولی مار کر خود کشی کر لی ہے۔

ریاست اترپردیش کے مرآداباد کے کٹگھر تھانہ علاقہ میں اُس وقت سنسنی پھیل گئی جب آدرش کالونی میں رہائش پذیر ایک سپاہی نے گولی مار کر خودکشی کرلی۔

ہلاک سپاہی من پریت سنگھ، سپا کے ایم ایل اے حاجی اکرام قریشی کا گنر تھا۔

فی الحال پولیس نے لاش کو قبضے میں لے کر پوسٹ مارٹم کے لیے بھجوا دیا ہے۔

مقامی ایس پی امت آنند کے مطابق سپاہی من پریت سنگھ نے ذاتی پریشانی کی وجہ سے تناؤ کا شکار ہو کر خودکشی کی ہے۔

وفات ہونے والے سپاہی کے ساتھ رہائش پذیر دیگر سپاہیوں سے بھی تفتیش کی جارہی ہے۔